تغذية أيام الجامعات والمدارس والدوامات

[خفوق]

الفترة الحالية لو نبي نخربط بالأكل ونخبص مع هالاختيارات المفتوحة والمتنوعة قدامنا بكل مكان جداً سهل الصراحة هي مطاعم هي فود ترك هي كافيهات نتعب واحنا نعد. وبنفس الوقت لو نبي نهتم ونتبع حمية غذائية أو برنامج غذائي صحي عشان نحافظ على صحتنا سواء من الزيادة الغير مرغوب فيها بالوزن أو صحتنا من الأمراض بعد سهل؟ يعني الأمر بيدنا احنا لأن كل الخيارين متوفرة قدامنا والشيء هذا يعود لنا أولاً وأخيراً. المدارس الصراحة عندنا الاكل المتاح فيها غير صحي أبداً أبداً؟ والجامعات كذلك وبالدوام مع صاحباتك ما تدرين وش تاكلين وش تخليين؟ بالنسبة لي صحتي وصحة الموجودين عندي بالبيت من الأولويات وأجتهد انه اكلنا يكون صحي ونظيف أحيان تضبط للأمانة فترة طويلة وتجيني فترة أفك شوي من باب التغيير. لذلك بشارككم جدولي الأسبوعي سواء من فطور بنتي بالمدرسة ولا وفطوري أنا وزوجي وغدانا وعشانا.. بالنسبة للوجبات أنا السبت أجهز حق كم يوم الصراحة أريح لي من دوشة الطبخ بعد الدوام وقربعة المواعين كل يوم. اشتريت جميع أنواع بُكسات الأكل اللي بساكو بدون مبالغة!! بوريكم اللي حبيت منها بعدين.. - أول شي كل سبت أتبل صدور دجاج أو سمك أو لحم مفروم وأشويها مع خضار منوعة ورز أبيض وأقطع خضار السلطة وكل شي أطبخه لحاله عشان لا تختلط وتدخل النكهات ويتغير الطعم. - أبدا أقسمها علب منفردة أيضاً، للرز علب خاصة والدجاج لحال والخضار لحالها. الخس والجرجير مغسل ومقطع كل نوع بعلبة لحال. وكل يوم أطلع علبة من كل نوع تكفينا وأقسمها على عددنا. وغالبا أسوي حق ثلاث أيام مو أكثر. بالذات اللحوم هي اللي أخاف تتغير طعمتها فما أخليها تطول. الخضار أبدا ما تتغير لأنها مشوية وكل يوم علبته لحاله ما أفتح وأسكر فيها. واللي أسويه يومياً بس أقطع خيار، جزر، شمندر، ذرة، ومكسرات حسب اللي أبي أشكل مع السلطات وصوصها. غالب جهدي بالطبخ بس يومين بالأسبوع والعلب بس نخلص بغسالة المواعين ما عليها خوف تطلع جافة ونظيفة وأدخلها لين الطبخة الثانية. طبعاً ويكند راحة من الدوام والطبخ. وفطور المدارس والدوام الصباح أحط برضو بعلبة: ساندوتش حسب ما يجي ببالي، بسكوت صحي، مكسرات غير مملحة، وفواكه مقطعة و.أخذ وجبات خفيفة للدوام احتياط في حال حسيت بالجوع. وبس والله هذا باختصار اللي أسويه فترة الدوامات والمدارس. ولاننا نرجع متأخر بعد العصر ما في عشا دسم ناكل أي شي خفيف فواكه زبادي ساندوتش خفيف سلطات وكذا مرتاحة جدا على هالنظام. انتوا كيف نظامكم تسوون جدول ولا بالبركة ماشين ولا كيف؟ - صح هذي أنواع علب مختلفة للأكل يمكن تفيدكم وتعطيكم أفكار وانتبهوا لو تشترون علب بعضها ماتدخل مايكرويف وبعضها مخصص للساندوتش والسلطات بس أقروا كل علبة وش ممكن تستخدمينها له عشان تعرفين وش تاخذين منها. 1- هذي مثلاً مخصصة للسلطات فقط والحلو فيها فوق احط المكسرات حقت السلطة والصوص له علبة مخصصة صعننه قد كمية السلطة. وما ينفع نحط فيها أكل ساخن
8
2- هذا الطقم مثلاً مختصر لي الموضوع كثير وصراحة عندي منه اثنين راااائع لابعد درجة عند ساكو برضو9
ظ£-هذي مكتوب عليها انها للمايكرويف يعني حطي الاكل اللي يتسخن فيها 10

[MeDo]

كما تعودنا منك يعطيك العافيه المجهود الاكثر من رائع
تقبلي مروري

[خفوق]

الله يعافيك وجودك رائع اخ ميدو